माँ तारा | MAA TARA

MAA-TARA

तारा ध्यान् | TARA DHYAN

प्रत्यालीढपदां घोरां मुण्डमालाविभूषिताम्।
खर्व्वां लम्बोदरीं भीमां व्याघ्रचर्म्मावृत्तां कटौ।।
नवयौवनसम्पन्नां पंचमुद्राविभूषिताम्।
चतुर्भुजां लोलजिह्वां महाभीमां वरप्रदाम्।।
खंगकर्तृसमायुक्तसव्येतरभुजद्वयाम्।
कपोलोत्पलसंयुक्तसव्यपाणियुगान्विताम्।।
पिंगग्रैकजटां ध्यायेन्मौलावक्षोभ्यभूषिताम्।
बालार्कमण्डलाकारलोचत्रय भूषिताम्।।
विश्वव्यापकतोयान्तः श्वेतपद्मोपरिं स्थिताम्।।

तारा-स्तोत्र- MAA TARA STOTRA

तारा च तारिणी देवी नागमुण्डविभूषिता।
ललज्जिह्वा नीलवर्णा ब्रह्मरूपधरा तथा॥
नामाष्टक मिदं स्तोत्रं य पठेत् शृणुयादपि।
तस्य सर्वार्थसिद्धिः स्यात् सत्यं सत्यं महेश्वरि॥

तारा-कवच-MAA  TARA KAVACH

दिव्यं हि कवचं देवि तारायाः सर्वकामदम्।
शृणुष्व परमं तत्तु तव स्नेहात् प्रकाशितम्।

अक्षोभ्य ऋषिरित्यस्य छन्दस्त्रिष्टुबुदाहृतम्।
तारा भगवती देवी मंत्रसिद्धौ प्रकीर्तितम्॥

ओंकारो मे शिरः पातु ब्रह्मरूपा महेश्वरी।
ह्रींकारः पातु ललाटे बीजरूपा महेश्वरी॥
स्त्रींकारः पातु वदने लज्जारूपा महेश्वरी।
हुंकार पातु हृदये तारिणी शक्तिरूपधृक्।।

फट्कारः पातु सर्वांगे सर्वसिद्धि फलप्रदा।
खर्वा मां पातु देवेशी गण्डयुग्मे भयापहा।।
लम्बोदरी सदा स्कन्धयुग्मे पातु महेश्वरी।
व्याघ्र चर्मावृता कठिं पातु देवी शिवप्रिया।।

पीनोन्नतस्तनी पातु पार्श्वयुग्मे महेश्वरी।
रक्तवर्तुलनेत्रा च कटिदेशे सदावतु॥
ललज्जिह्वा सदा पातु नाभौ मां भुवनेश्वरी।
करालास्या सदा पातु लिंग देवी हरप्रिया॥

विवादे कलहे चैव अग्नौ च रणमध्यतः।
सर्वदा पातु मां देवी झिण्टीरूपा वृकोदरी॥

सर्वदा पातु मां देवी स्वर्गे मर्त्त्ये रसातले।
सर्व्वास्त्रभूषिता देवी सर्वदेवप्रपूजिता॥
क्रीं क्रीं हुं हुं फट् फट् पाहि पाहि समन्ततः॥

कराला घोरदशना भीमनेत्रा वृकोदरी।
अट्टहासा महाभागा विघूर्णितत्रिलोचना।
लम्बोदरी जगद्धात्री डाकिनी योगिनीयुता।
लज्जारूपा योनिरूपा विकटा देवपूजिता॥
पातु मां चण्डी मातंगी ह्यग्रचण्डा महेश्वरी॥

जले स्थले चान्तरिक्षे तथा च शत्रुमध्यतः।
सर्वतः पातु मां देवी खड्गहस्ता जयप्रदा॥

कवचं प्रपठेद्यस्तु धारयेच्छृणुयादपि।
न विद्यते भयं तस्य त्रिषु लोकेषु पार्वति॥